Comandanz

Un tenentin j dîs

al gjenerâl

che la trupe no ûl

plui lâ al assalt:

"Nol è pussibil,

- al dîs l'ufiziâl -

chestis a' son

robonis di san Svualt!

Sano tros sigars

che si sin fumâz

e tros bussui ch'o vin

bevût par lôr,

par stâ a studiâ pulît

une batae

là che ognidun

al puedi fâsi onôr?

No sano che al comant

'o vin pensât

dut chest assalt,

di gnot e ancje di dì

e, daspò dut,

ce ur domandìno a lôr?

Nome di lâ al assalt

e di murî! "