La visite

'E jentre une fantate

tal studi di un dotôr

e dôi, vistûz a blanc,

j son subìt intôr.

Jê svelte si disviest

e sul jetut si poe;

Ce cuarp! Ce gjambis dretis!

'E fâs la biele voe! "

Al comente un dai dôi.

" 'E jè tanche la sede

e dure tanche un clap! "

- j rispuint il coleghe.

La fantate si suste:

" Veiso di visitâmi

o seiso vignûz chi

nome par palpuzzâmi?

Un bon miedi, mai plui

nol fasares chel tant! "

" Frutate, no sin miedis,

nô 'o sin a dâ di blanc ".