Sparagn

Il vieli al è-daûr

a tirâ il pît.

I fîs, fra lôr, sot vôs,

che ti discutin

se fâj un funerâl,

di prime classe,

di seconde o di tierce

e, cun ce casse

ch'a varessin podût

plui sparagnâ

cence, dal popul,

fâsi tarizâ.

"Lis rosis a' son cjaris".

- al dîs un.

"La caroce 'e jè un lus".

- al dîs chel altri.

"Pe casse, - al dîs il tierz

baste di pôl".

E il vieli cun chel ultin

flât chej reste:

"Daimi i mulóz che jo

'o voi jú bessôl! "