Il vueli

Mi soi insumiât ch'o jeri in-t-un grant prât

 cun tantis lums ch'a' ardevin cul lôr vueli

e un sorestant che lis butave vie

conche di vueli, in fonz, no 'nd' jere nie.

J ài domandât " Ce sono chei lumins? "

Mi à dit. " A' son il timp di un omp in vite;

al è un sisteme just, àncje se dûr,

 conche nol à plui vueli un omp al mûr!"

Alore jo, curiôs, j ài domandât:

"Di cui isal chest chi? di cui chest altri? "

E 'o soi inacuart che i siôrs ch'o sai ben jo,

tal lôr lusôr no 'n' vevin plui dal gno ".

Pensait, che dopo vê sfrutât, robât,

contadis bausiis, tradît i amîs,

un omp? par tant ch'al sei deventât siôr,

nol è paron dal vueli dal lusôr!