| Musica, teatro, sport per giovani d'oggi di M.C.
Cemût passino il timp i zovins di Buje vuè? Ce ur plasial di fâ, oltre a ce che scuegnin fâ, come là a scuele o a vôre, e oltre a ce che si dîs che fasin, come lâ in discoteche o atôr cu le machine? Nus al disin lôr. Un pôc a' contin la lor vite, un pôc la fasin capî traviêrs di ce che pensin su ches ativitâz ch'e àn ancjemò la lôr impuartance te vite dal paîs: musiche, teatro, sport. Lis lor testimoniancis a' son une gote tal mâr di chei centenârs di lôr ch'a' si viodin a cjapâ lis corieris par lâ a scuele o a partî pa lâ a vore ogni dì. A chei centenârs j lassin il puest par che disin la lôr un pôc a la volte, an par an: cheste no je une statistiche che dà numars cence vite, ma une ocasion di sintî se e cemût che chei che àn qualchi an di pui a' puedin jentrâ tai pinsîrs dai pui zovinis, capî indulâ che sta lant Buje dai ains a vignî e, parcè no, imparâ di lôr ancjemò. |