Quant ch'o ài vûz i siei "Flôrs", me buine siore,

'o vevi, cun licenze, un rafredôr

cussl fuart, cussì biel che d'ore in ore

al mi siarave il nâs e íl glutidôr.

'O lei il librùt e, folc, dai voi mi côr

iù pe muse di làgrimis 'ne vore!

Vignivino dal reumo e dal lancôr?

Di no savêle juste 'o ài propri pore.

Ma... tant tornâmi in cjâf il timp passât

tanc' ricuarz de lontane 'zoventût

tant pensâmi di chei che no son plui...

Nol è dal rafredôr ch'al sèi vignût!

Dal cûr al è vignût, propri di lui,

dal cûr... cul so lumin quasi suiât...