Cimiteri di sere

Fueàm di rosis fra i arcs

e spasim di viole

dal amònt

sore 'l gran ciamp sence peraulis

dai muarz.

'A iè la sere. Signôr, su li' tombis,

su li' tombis di piere cidine

come ciâr vive

indurmidide te ierbe.

I prâz si cuviarzin di stelis

glazzadis

come se 'l cîl dai vîs

si speglàs

sore la sforidure dai muarz.

Mi cialin di ogni bande

tasint

parsore 'l cori spaurît

dal gno pàs.