Bocie di ridi

O domandi ad imprest

bocie di ridi

a chei che zornin

legris d'amôr.

Sul ôr de vite

al mi fo dât un ridi

ch'al sune

come l'aghe sui crez

al impiâsi de lune.

Daimi

gjonde di vivi

e un blec di prât

parsore Buie

tal trimulâ dai avostans.

Te zoventût

'o cognossei la fumate

pes pradariis de Tôr

e 'l svintulâ dai poi

parmis la glerie.

Signôr

ch'o torni al gno paîs

te ore

che si creve de tiere la gnot.