Se tu âmôr

Oh la ciame dai prâs e de vierte

che no à paréli imò...

Lunc vie pal timp, amôr, compàgnimi.

Cidins incagnîs 'e svolin insieme i ains

e incuardadis di frêt 'e vegnin

une par une li' gnos.

Ma se tu amôr tu mi tornis,

Diu, ce sflamiade di stelis

su chist gno vivi dissavît,

ce lustri di ciamps sot il to pas.

E madressût di me come un pinsîr

spaurît, come un bramà di visâsi e di vivi.

Se tu amôr tu mi tornis.