A Soremônt, vissin Dobes, e jere une pizzule cjase platade tal miez dal bosc. Une gnot la int che ere a stâ dongje e à sintût a berghelâ e à viodût flamis altis che al semeave che partissin de cjase e che lassin viers il cîl, ma nissun al à vût il coragjo di visinâsi. L'indoman a buinore un vecjut ch'al cognosseve la parone de cjase al è lât a cirîle.

Cu la lûs dal soreli nol semeave che la cjase e ves vût damps, ma cheste parone no le à cjatade in- stes. Plen di pôre al à comenzât a berghelâ: - Tonine, se tu sês... bat un colp!- D'in chê volte duc' ch'e che passavin denant de cjase, sintude la storie, 'e disevin chês stessis peraulis: se tu sês, bat un colp!

Une sere, un fantat ch'al pasave par lì al à dit ancje lui la solite robe, ma apene pronunzadis ches peraulis al à sintût un colp tal cernêli. Blanc come un pezzot, si è metût a corî e nissun lu à plui viodût.