Gno nono mi à contât che quanch'al ere 'zovin al lave a vôre tai cjamps di Tombe cun dute la famee. Di sere 'e tornavin in Mont duc' insieme, sul cjâr dal fen tirât dai nemai ch'e fadiavin a lâ su pe rive. Rivâs quasi in Vals, une sere e an viodût une biele fantate: 'e veve in man une vuiscje e cun chê 'e faseve balâ sîs frutis, dutis vistidis di blanc.

Duc' lôr si erin fermâs cjalant a bocje vierte chel spetacul, cence savê se vê pôre o nome maravee. Alôre la none e à dit: - Tasêt, e no stait a movisi -. Di un moment a chel âtri, chês balarinis no je-rin plui, ma tal ajar si sintive un odôr strani, come un profum di rosis.

Une volte vignûs a savê ancje di cheste storie i vecjos di Mont, già spaventâs di tantis robis strambis ch'e sucedevin in chel puest, e an pensât di metî une crôs, par che il Crist al judi chei che passin lì di gnot.

(Raccolta da Davide Guerra della scuola "Caterina Percoto" presso Ursella Silvana, nata nel 1922)