XXXIII

De vendentibus panem.

Statuerunt et ordinaverunt quod omnes vendentes panem in hac Comunitate et Villis subiectis teneantur illlum facere et vendere ad pondus panis qui fuit venditus in Terra Glemone vel ad pondus quod ei fuerit ordinatum per DD. Iuratos a Consilio deputatos: si quis vero reperiretur contrafacere pro qualibet vice cadat ad penam Marche I. applicande DD. Iuratis et Consilio et incidatur totus panis qui non fuerit iusti ponderis. Qui faciet panem ad vendendum teneatur et debeat de eo vendere cuicumque petenti sub pena denariorum XLVIII pro prima vice et pro secunda dimidie Marche et pro tertia Marche unius nisi tamen ipse vendens iuraverit quod non habeat panem ultra solidos octo et quod volebat ipsum pro se et usu suo reservare quo casu non possit condemnari.