XXXII

De pena damnum committentium.

Statuerunt et ordinaverunt quod si aliqua persona tam masculus quam femina reperta fuerit per quoscumque Vicinos et habitatores Villarum subiectarum Gastaldie nostre asportare fructus cuiuscumque generis ex bonis alterius aut incidere, asportare arbores vel ciseas et clausuras cadat in penam Marcharum denariorum Aquilegensium trium et si fuerit forensis quatuor applicandarum Ven. Fabrice D. Laurentii; si vero quis repertus fuerit de nocte incurrat penam duplam ut supra applicandam et ad emendationem damni illati iuxta estimationem fiendam per duos viros a Magnifico Consilio deputandos et credatur iuramento domini et inventoris si fuerit homo bone fame et nominis.