| XXXVII De Tabernariis debentibus consignare vinum DD. Estimatoribus.
Statuerunt et ordinaverunt quod quilibet Tabernarius seu alius cuiuscumque generis vendens vinum ad spinam in Buja et Villis subiectis teneatur et debeat primo dictum vas vini consignare DD. Estimatoribus qui estimatores ipsum vinum ponere debeant Tabernario secundum qualitatem et bonitatem vini et si quis contrafecerit et repertus fuerit vendidisse antequam consignaverit cadat in penam Marcharum duarum applicandarum DD. Estimatoribus et Consilio et si Tabernarius non vult dare vinum ad pretium per DD. Estimatores appretiatum cadat in penam Marchar. Denariorum duarum et taberna bannita sit per annum unum. |
