XXXIX

Quod Tabernarii teneantur emere vinum vendendum ad spinam ab hominibus et Vicinis Buje.

Statuerunt et ordinaverunt quod quilibet Vicinus et habitator Buje et Villarum subiectarum volens vendere vinum ad spinam possit et valeat vendere de suo vino nato et collecto in Buja et sua iurisdictione, dumodo non excedat pretium supra in Statutis declaratum et si aliquis Tabernarius sit empturus vinum ad ingrossum causa vendendi ad minutum teneatur et debeat illud emere dumodo sit bonum et sufficiens, vinum ab hominibus et Vicinis Buje et Villarum subiectarum pretio convenienti et non alibi donec reperiretur vinum vendendum in ipsa Comunitate et Villis subiectis sub pena Marche I Aquilegensis Comunitati applicande pro singulo congio, quod alibi emerit et vendiderit ad spinam.