De Salario DD. Juratorum et Estimatorum Vini et Carnis.

Statuerunt et ordinaverunt quod macellatores seu beccarii Comunitatis Buje teneantur et debeant dare et solvere DD. Estimatoribus solidos XII Aquilegenses pro bove per eos in Macello interfecto et sol. VIII pro vitulo et sol. VI pro pecude seu castrato et similiter Tabernarii et vendentes Vinum ad spinam sol. XVI Aquil. pro vase vini eis consignato et ultra Flumen Ledre duplex et in Villis subiectis sol. XXIV pro bove, sol. XVI pro vitulo, sol. XII pro pecude seu castrato et sol. XLVIII pro vase Vini, item pro singulo vase mensurato seu sacomato sol. XVI et duplex in Villis subiectis.

Pro iustificatione autem Staterarum, Buciarum et metretarum olei ac congiorum, pesinalium, mezinarum et schiphorum sol. VIII Aquilegenses pro quolibet et duplex in Villis subiecctis; et si quis requisitus solvere recusaverit condemnetur in dimidium ipsorum applicandum DD, Iuratis et Estimatoribus.