XXX

De pena pascuantium in terrenis aliorum.

Statuerunt et ordinaverunt quod si aliquis Vicinus et habitator Villarum subiectarum invenerit alium suum Vicinum pascuare de die in suis Braidis, Campis, Nemoribus, baiarziis, Vineis, Viridariis et aliis suis bonis cuiuscumque generis cadat in penam denariorum XXIV Aquilegensium, ultra refectionem damnorum iuxta extimationem duorum virorum a Consilio deputandorum: si vero quis repertus fuerit de nocte, incurrat penam Marcharum denariorum duarum applicanda media Ven. fabrice D. Laurenti et alia media DD. Massario et Consiliariis et ad emendationem damni illati ad extimationem bonorum virorum et credatur inventori cum suo iuramento si fuerit homo boni nominis et fame.