Chei di Tombe, 'e son d'acordo tal dî che int spiritose, cul gust de batude, dal sfotò argût, ma bonari, dal dispièt, come i Tombins non d'è. Al capite spes, massime tes seres d'astât, su le place, di fûr dal bar, di sintî a contâ di chel o di chel âtri, pescjant in une grande antologje di sblecs di vite paesane straordinariamentri colorâz e simpatics.

Alore parcè no ricuardâ ches maglutes, in t'une pizzule galarie di personagjos nostrans, e soridi cun lôr e les lôr vitimes ch'e àn savût, s'al 'ere el câs, acetâ les batudes cence fâ i parmalôs, preseant le arguzie dal autôr.

Tanc' `e àn cognossût les persones e les situazions: mi scusaran se, simpri pal vizi di fâ el mestri di chei che no san, j' spiegarai robes savudes.